Psa 129 | YON | STEP | Daane kawini ye yook. Israeldan kuu kekane yedmime, “Ne kewed yaambed mene kibikee yimbed dabab yemoon bangkawiwen.” andime.

Psalms 129

Yook 129

Daane kawini ye yook.

1 Israeldan kuu kekane yedmime,
“Ne kewed yaambed mene kibikee yimbed dabab yemoon bangkawiwen.” andime.
2 Kedi, kekane yedmime, “Ne kewed yaambed mene kibikee yimbed dabab yemoon bangkawiwen,
kumban yi kuu ne yaa ma nangme burudande dorindo.
3 Yimbed ne angkurom yaa kuu nong yikyikiibbed wangkanabiwen kumbed
koodem areb kuburu doboob yemooniib keraan.
4 KumbanYariman kuu yorokmo,
kedi, yembed kuye arewa kamenabidanbed ne nen yerengkiwen ye nong kuu nare burudande obon kawoon.” andime.
5 Kaneya yi kuu Saiyon yaa arud wandembirimaib kuu,
yi korem yaa karak kondene yenbandoko ikakman winime.
6 Kwane yi kuu kereek ambib animari dembekore
kirodmo nuubnoon kainindo areb kerime.
7 Yi kuu wande bi ye karubbed kuyaa yob ma wedmindo kuye kereek areb kerime,
kwane yi kuu wiit yob andedmi ye karubbed kuyaambed ma andedmindo kuye kereek areb kerime.
8 Yi yaa dewenebe burudandandamiibdan kuu kekane yedmaib,
“Yariman ye amun kerundi kuu yiib ari kowok,
kwaneYariman yaningko yaambed yiib yaa amun kerunduub kii.” andaib.